ՔԵՆԵԹ ԲՈՈւԼԴԻՆԳ

1910-1993

 Քենեթ Բոուլդինգը ամերիկացի տնտեսագետ, ծագումով բրիտանացի, փիլիսոփա, սոցիոլոգ, մանկավարժ, բանաստեղծ, այս ամենի հետ մեկտեղ կրոնական միստիկ էր, ով ակտիվորեն հանդես էր գալիս որպես խաղաղության համար պայքարող շարժումների հետևորդ:

Քենեթ Բոուլդինգը ծնվել է 1910թ. հունվարի 18-ին Լիվերպուլում (Liverpool, England), հասարակ աշխատավորի ընտանիքում: Ավարտելով Լիվերպուլի Կոլեգեալ դպրոցը (Liverpool Collegiate School), որտեղ կրթություն ստանալու համար նա կրթաթոշակ էր ստացել, իր գրանցած  փայլուն արդյունքների շնորհիվ նա կրկին կրթաթոշակ է ստանում  օքսֆորդյան Նոր քոլեջում (New College, Oxford)  սովորելու համար:

Մի տարի անց նա սկսում է  ուսումնասիրել փիլիսոփայություն, քաղաքականություն և տնտեսագիտություն և ավարտում է Օքսֆորդի համալսարանը գերազանաց առաջադիմությամբ: Երբ դասակարգային խոչընդոտները թույլ չտվեցին Բոուլդինգին դասավանդել Օքսֆորդի համալսարանում, նա մեկնեց Միացյալ Նահանգներ Commonwealth Scholarship and Fellowship Plan կրթական ծրագրի միջոցով:   Նահանգներում նա սովորում էր Չիկագոյի համալսրանում (University of Chicago) Ֆրենկ Նայթի (Frank Knight)-ի և Հենրիխ Շուլցի (Henry Schulz) մոտ, իսկ ավելի ուշ Հարվարդի համալսարանում (Harvard University) Յոզեֆ Շումպետերի (Joseph Schumpeter) մոտ:

1934 թվ-ին Քենեթը վերադառնում է Մեծ Բրիտանիա (UK), որպեսզի դասավանդեր Էդինբուրգի համալսարանում (University of Edinburgh): 1937թ-ին Կոլգեյթ համասլարանում (Colgate University) իր մանակավարժական գործունեությունից սկսվեց Բոլուլդինգի երկար ու փայլուն  մասնագիտական կարիերան Միացյալ Նահանգներում և Կանադայում, հետագայում սկսել է դասավանդել է  Մակգիլլի համալսարանում (McGill University),  Այովա նահանգի համալսարանում (Iowa State University) և 1947-1969թթ. Միչիգանի համալսարանում (University of Michigan): 1948թվ. տնտեսագետը ստանում է Ամերկայի քաղաքացիություն: 1967թվ.-ից Բոուլդինգը Բոուլդերի Կոլորադոյի համալսարանում (University of Colorado  at Boulder) դարձավ դասախոսական անձնակազմի անդամ և անցավ հանգստի որպես  վաստակավոր տնտեսագետ: Բացի այդ նա զբաղեցրել է “Ամերիկյան տնտեսագիտական ասոցացիայի” ( American Economics Association),  “Գիտությունների զարգացման  ամերիկյան ասոցացիայի” (Ameroacn Association for Advancement of Science),  “Հասարակություն ուղղված ընդհանուր համակարգային տեսության բարելավմանը” (Society for the Advancement of General System Theory)  և “Միջազգային հետազոտությունների ասոցացիայի”(International Studies Association) նախագահի պաշտոնը:

Բոուլդինգը հրատարակել է ավելի քան հազար աշխատություններ՝ հիմնականում հոդվածներ գիտության  30 տարբեր ոլորտներում՝ սկսած շրջակա  միջավայրի խնդիրներից, գյուղատնտեսությունից, աշխատանքից, էթիկայից և կրոնից մինչև կոնֆլիկտների լուծում խաղաղության կամ պատերազմի միջոցով: Բոուլդինգը ոչ միայն գրող էր և նոր գաղափարների հեղինակ, այլև համաշխարհային համբավ վայելող ակադեմիական գիտնական, սոցիալական գիտությունների ոլորտում նշանակալի կերպար: Համաձայն Բոուլդինգի սոցիոլոգիան և տնտեսագիտությունը չեն համարվում սոցիալական գիտություններ, այլ ավելի շուտ սոցիալական գիտությունների առանձին ասպեկտ՝ ուղղված մարդկանց, մարդկանց և նրանց միջև  հարաբերությունների և կազմակերպությունների ուսումնասիրմանը:

Բոուլդինգը հանդիսանում է համակարգերի ընդհանուր տեսության հիմնադիրներից մեկը և տնտեսագիտության և սոցիալական գիտությունների ոլորտում մի շարք ինտելեկտուալ ծրագրերի հիմնադիր:

Բոուլդինգը մահացել է 1993թվ. մարտի 18-ին, 83 տարեկանում:

   Հիմնական աշխատանքների ցանկ

  1. “Տնտեսական վերլուծություն” դասագիրք, /“Economic Analysis”, 1941
  2. “Տնտեսական տեսությունների վերակառուցում” /“A Reconstruction of Economics”, 1950
  3. “Կերպարը” /”The Image”, 1950
  4. “Էկոդինամիկա” / “Ecodynamics”, 1978
  5. “Համակարգերի ընդհանուր տեսություն- գիտության կմախք// Համակարգերի ընդհանուր տեսության հետազոտություն” /  Общая теория систем – скелет науки // Исследования по общей теории систем” 1969

Թարգմանեց` Մարիամ Խալաթյան

Share on FacebookShare on Google+Tweet about this on TwitterShare on LinkedIn

Leave a Reply

Your email address will not be published. Required fields are marked *